Արցախի նորընտիր խորհրդարանում ներկայացված կլինեն 5 ուժեր. Մայիլյանի գլխավորած դաշինքը չի հաղթահարել շեմը. ՀԺ

01-04-2020 14:48:14 | Արցախ (ԼՂՀ) | Ի՞նչ է գրում մամուլը

Արցախի նորընտիր խորհրդարանում ներկայացված կլինեն 5 քաղաքական ուժեր. ներկայացնելով ընտրությունների նախնական արդյուքները՝ այդ մասին հայտարարեց Արցախի ԿԸՀ նախագահ Սրբուհի Արզումանյանը:

Արցախի ընտրական օրենսգրքի համաձայն խորհրդարան են անցնում 5 տոկոսի շեմը հաղթահարած կուսակցությունները եւ 7 տոկոսի շեմը հաղթահարած դաշինքները:

Այսպիսով, խորհրդարան են անցել Արայիկ Հարությունյանի գլխավորած «Ազատ Հայրենիք-ՔՄԴ» կուսակցությունների դաշինքը, Սամվել Բաբայանի գլխավորած «Միասնական հայրենիք» կուսակցությունը, Վիտալի Բալասանյանի գլխավորած Արցախի «Արդարություն» կուսակցությունը, ՀՅԴ-ն եւ Աշոտ Ղուլյանի գլխավորած «Արցախի Ժողովրդավարական» կուսակցությունը:

Թե ինչպես կբաշխվեն ԱԺ 33 մանդատները՝ այդ մասին ԿԸՀ-ն կտեղեկացնի ապրիլի 7-ին, ինչպես որ նախատեսված է ընտրական օրենսգրքով:

Ներկայացնելով թվային տվյալները՝ Արզումանյանն ընդգծեց, որ Ազգային ժողովի ընտրություններին մասնակցելու իրավունք է ունեցել 104 350 քաղաքացի, քվեարկությանը մասնակցել է 76 712 անձ:

Անվավեր քվեաթերթիկների թիվը 2418 է կամ 2.3 տոկոս:

Կողմ քվեարկած քվեաթերթիկները բաշխվել են հետեւյալ համամասնությամբ.

«Ազգային վերածնունդ» կուսակցություն – 2360 ձայն կամ կողմ քվեարկածների 3.2 տոկոսը,

«Միասնական հայրենիք» կուսակցություն – 17365 ձայն կամ 23,63 տոկոսը,

«Անկախության Սերունդ» կուսակցություն – 656 ձայն կամ 0.9 տոկոսը,

«Հայ Հեղափոխական Դաշնակցություն» կուսակցություն – 4717 ձայն կամ 6,4 տոկոսը,

Արցախի հեղափոխական կուսակցություն – 1660 ձայն կամ 2.26 տոկոսը,

«Ազատ Հայրենիք-ՔՄԴ» կուսակցությունների դաշինք – 29 688 ձայն կամ 40.4 տոկոսը,

Արցախի «Արդարություն» կուսակցություն – 5865 ձայն կամ 7,9 տոկոսը,

Արցախի Ժողովրդավարական Կուսակցություն – 4269 ձայն կամ 5.81 տոկոսը,

«Միացյալ Հայաստան» կուսակցություն – 958 ձայն կամ 1.3 տոկոսը,

Արցախի Պահպանողական կուսակցություն – 2108 ձայն կամ 2.87 տոկոսը,