06-04-2020 17:11:05 | Ռուսաստան | Ի՞նչ է գրում մամուլը
«Red Wings» ավիաընկերության Երևան-Մոսկվա չվերթը ուղղություն վերցրեց դեպի Երևան: Չվերթով Երևան կժամանեն Մոսկվայում գտնվող 220 ՀՀ քաղաքացի, որոնք հիմնականում տարանցիկ ուղևորներ են և օրեր առաջ Մոսկվա են ժամանել Ռուսաստանի այլ քաղաքներից: Նրանք 14 օր կարանտինում կլինեն:
ՌԴ-ում ՀՀ դեսպան Վարդան Տողանյանը այսօր ժամանելով «Դոմոդեդովո» օդանավակայան՝ շփվեց հավաքված քաղաքացիների հետ և վստահեցրեց, որ նրանք ովքեր չեն կարողացել հայտնվել այս թռիչքում, կտեղավորվեն հյուրանոցներում, մինչև կլուծվի նրանց վերադարձի հարցը:
Դեսպանության աշխատակիցները սնունդ և անհրաժեշտ պարագաներ էին բերել օդանավակայանում հավաքված քաղաքացիների համար:
Ավելի վաղ տեղեկացվերլ էինք, որ Ռուսաստանի օդային սահմանը փակ է բոլոր տեսակի չվերթների համար, սակայն, ՌԴ-ում ՀՀ դեսպանությանը հաջողվել է Ռուսաստանի ավիացոն ոլորտը կարգավորող գերատեսչության կողմից ստանալ թույլվություն՝ դեպի Երևան հատուկ չվերթ իրականացնելու համար: Չվերթը Երևան կտեղափոխի նաև անհրաժեշտ բժշկական պարագաներ, որոնք դեսպանությանն են տրամադրել ռուսաստանաբնակ մեր հայրենակիցները:
Հաջորդ Երևան-Մոսկվա չվերթի հետ կապված բանակցությունները ընթացքի մեջ են և հնարավոր է, որ կրկին կազմակերպվեն չվերթներ դեպի Երևան: