Վրաստանի ԱՆ․ Պետությունն ամբողջովին հոգում է կորոնավիրուսով հիվանդների բուժման ծախսերը. Regionmonitor.com
07-04-2020 09:55:54 | Վրաստան | Ի՞նչ է գրում մամուլը
Վրաստանի առողջապահության նախարար Եկատերինա Տիկարաձեն հայտարարել է, որ երկիրը դեռևս ամբողջությամբ հոգում է կորոնավիրուսով հիվանդների բուժման ծախսերը, սակայն այդ գործընթացին կարող են միանալ մասնավոր ապահովագրական ընկերությունները:
Տիկարաձեն չի բացառել, որ մասնավոր ապահովագրական ընկերությունները կմիանան նաև տանը բուժվող ոչ ծանր վիճակում գտնվող հիվանդների հեռավար խորհրդատվության ծրագրին:
«Այսօրվա դրությամբ՝ կորոնավիրուսով հիվանդների բուժումն ամբողջությամբ հոգում է պետությունը, սակայն կարծիք կա, որ ապահովագրական ընկերությունները կարող են միանալ ինչպես առցանց սպասարկմանը, այնպես էլ ֆինանսական աջակցությանը»,- ասել է նա:
Նշվում է, որ Վրաստանի բոլոր քաղաքացիները կարող են հեռախոսով բժշկի խորհրդատվություն ստանալ՝ զանգահարելով 112 ծառայությանը: Խորհրդատվության ժամանակ մասնագետը կորոշի տանը մնա հիվանդը, թե հիվանդանոց ուղևորվի: Բնակիչները կորոնավիրուսի ախտորոշման թեստ կարող են հանձնել մասնավոր լաբորատորաներում:
Վրաստանում կորոնավիրուսով վարակակիրների թիվը հասել է 188-ի, 2 մարդ մահացել է, 39-ը՝ ապաքինվել: Կարանտինային ռեժիմում է 5056, հատուկ հսկողության տակ՝ 386 մարդ:
ՀԱՅԵՐԵՆ
Русский
English
Դաս. հայերեն
French
