Այսօր կորոնավիրուսից բուժվածների թիվը գերազանցել է հաստատված նոր դեպքերի թվին. Բաբկեն Թունյան
07-04-2020 17:37:46 | Հայաստան | Հասարակություն
ԱԺ պատգամավոր Բաբկեն Թունյանը ֆեյսբուքյան իր էջում կատարել է հետևյալ գրառումը.
«Այսօր առաջին օրն է, երբ օրական կտրվածքով կորոնավիրուսից բուժվածների թիվը (25) գերազանցեց հաստատված նոր դեպքերի թվին (20)։
Սա նշանակում է, որ կորոնավիրուսով փաստացի հիվանդների (բուժողների) թիվը երեկվա համեմատ նվազեց 5-ով՝ 763-ից իջնելով 758։
Սա շատ լավ ցուցանիշ է։ Հույս ունենանք, որ առաջիկայում այս միտումը կպահպանվի, փաստացի բուժողների թիվը աստիճանաբար կնվազի, ինչը թույլ կտա մեզ մտածել սահմանափակումները աստիճանաբար մեղմացնելու և ի վերջո վերացնելու մասին։
ԲԱՅՑ
Սա ոչ թե մեզ պետք է "արխայնացնի", այլ հակառակը՝ ավելի զգուշավոր ու կարգապահ դարձնի, քանի որ արդեն գրանցված այս փոփոխությունը և հնարավոր դրական տեղաշարժը արտակարգ ռեժիմի կանոնները պահպանելու ուղղակի արդյունք է»։
ՀԱՅԵՐԵՆ
Русский
English
Դաս. հայերեն
French
