Օրհասական է բոլոր պետական մտածելակերպ ունեցող գործիչների համախմբումը. Արման Վարդանյան

09-04-2020 15:00:20   | Հայաստան  |  Մամլո հաղորդագրություն
 


«Միասնություն» շարժման ղեկավար Արման Վարդանյանի հայտարարությունը. 
 
«Հարգելի՛ հայրենակիցներ,
Նոր կորոնավիրուսի տարածումը չի շրջանցել նաև Հայաստանի Հանրապետությունը և ստեղծված իրավիճակով պայմանավորված, ցավոք, մեր հայրենակիցների շրջանում ևս ունեցանք մահվան և վարակման դեպքեր: Հետևաբար՝ պե՛տք է լինենք զգույշ և կատարենք մեր առողջության պահպանման համար սահմանված ցուցումները: Պետք է քաջ գիտակցե՛նք, որ մեզանից կախված է ոչ միայն մեր, այլ նաև մեր հարազատների, մտերիմների ու բարեկամների առողջությունն
ու ապագան: 
 
Այս իրավիճակից ելնելով՝ հորդորում և կոչ եմ անում.
 
երկու կարևորագույն արժեք՝ հայրենասիրություն և ազգային մտածելակերպ ունեցող բոլոր քաղաքական և հասարակական առաջնորդներին, համախմբվե՛լ և հանդես գալ երկիրը ճգնաժամից հանելու գործուն և կառուցողական առաջարկներով
ելնելով այս իրավիճակից՝ անկախ այս կամ այն քաղաքական ուժի, գործիչների և իշխանության նկատմամբ ունեցած քաղաքական հայացքներից, մի կողմ դնել հակասություններն ու վերաբերմունքը նրանց նկատմամբ և շտապ կազմավորել համապետական, հակաճգնաժամային և երկիրը արհավիրքներից մաքսիմալ զերծ պահելու ու զարգացնելու օրակարգ
 
արդեն իսկ ստեղծված և գնալով ուժգնացող տնտեսական և ֆինանսական ճգնաժամին ընդառաջ՝ ստեղծել կանխարգելման գործիքակազմ. ձևավորել աշխատանքային խմբեր՝ ներառված մասնագիտական մեծ փորձառություն ունեցող տնտեսագետներից:
Մեր ազգն իր գոյության ողջ պատմության ընթացքում է՛լ ավելի վատ գարուններ է ունեցել, և միայն միասնականությունն է, որ մեզ հաղթանակած է դուրս բերել դժվարին իրավիճակներից: Հետևաբար, ավելի քան համոզված եմ, որ այս ճգնաժամից ևս մենք հաղթանակած ենք դուրս գալու:
 
Միասին մենք կարո՛ղ ենք»:
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 266 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար