Սնանկության գործով կառավարիչների հետ քննարկվել են Արդարադատության նախարարի հրամանների կիրարկմանն առնչվող մի շարք հարցեր
26-05-2020 17:12:50 | Հայաստան | Մամլո հաղորդագրություն
Արդարադատության նախարարությունում մայիսի 26-ին տեղի է ունեցել առցանց քննարկում «Սնանկության մասին» օրենքից բխող Արդարադատության նախարարի հրամանների կիրարկման վերաբերյալ:
Սնանկության գործով շուրջ 3 տասնյակ կառավարիչների մասնակցությամբ քննարկումը, որը կազմակերպվել էր Արդարադատության նախարարության «Օրենսդրության զարգացման և իրավական հետազոտությունների կենտրոն» հիմնադրամի կողմից, վարում էին հիմնադրամի տնօրեն Տիգրան Դադունցը, իրավաբանական գիտությունների թեկնածու, Տնտեսական մրցակցության պաշտպանության պետական հանձնաժողովի անդամ Տիգրան Մարկոսյանը և հիմնադրամի փորձագետները:
Առցանց քննարկմանը ներկայացվել են 2020 թվականի ընթացքում սնանկության գործով կառավարիչների վերապատրաստումներ անցկացնելու, պարտապանին պատկանող գույքը հրապարակային սակարկություններով վաճառելու, կառավարիչների կողմից տարեկան հաշվետվությունների ներկայացման կարգը և այլ հարցեր:
Հարցուպատասխանի փուլում սնանկության գործով կառավարիչների բարձրաձայնած հարցերը հիմնականում վերաբերել են սնանկության կառավարիչների թեկնածուների ընտրության համար ներդրված նոր համակարգին, աճուրդի անցկացման կարգին, կառավարիչներին հաշվառելու և հաշվառումից հանելու կարգին և այլն:
ՀԱՅԵՐԵՆ
Русский
English
Դաս. հայերեն
French
