ԱՐՄԵՆԱԼ-ը բարձրացնում է հրդեհային անվտանգության մակարդակը
17-06-2020 14:00:17 | Հայաստան | Մամլո հաղորդագրություն
ԱՐՄԵՆԱԼ գործարանն (ՌՈՒՍԱԼ ընկերության կազմում է) իրականացնում է հրդեհային անվտանգության ծառայության տեխնիկական վերազինման ծրագիրը: Այս նպատակով ձեռք է բերվել ԿամԱԶի հիմքի վրա հզոր հրշեջ մեքենա՝ հինգտոննանոց ջրի պահեստարանով և փրփուրի 500-լիտրանոց տարողությամբ:
Արդյունավետ տեխնիկան նախատեսված է քսասառեցնող հեղուկի պահեստի անվտանգությունն ապահովելու համար, - ասաց ԱՐՄԵՆԱԼ-ի աշխատանքի պահպանության, արտադրական անվտանգության և բնապահպանության բաժնի պետ Վահե Թամազյանը: - Այն համալրեց մեր հավաքակայանը, և այժմ գործարանն ունի երեք հրշեջ մեքենա:
Ծառայության հաջորդ նորույթը հրշեջ դեպոյի մեխանիկական դարպասների փոխարինումն է հեռակառավարվող էլեկտրոնային դարպասներով: Դրանք մի քանի վայրկյանում վահանակով բացվում են վարորդի խցիկից, իսկ էլեկտրաէներգիայի խափանումների դեպքում ապահովված են արագագործ մեխանիկական շարժակով:
Գործարանի հրդեհային անվտանգության ծառայության զարգացման հաջորդ նախագիծը կդառնա հրդեհաշիջման նոր համակարգի տեղակայումը տարայի պատրաստման արտադրամասում և պատրաստի արտադրանքի պահեստում: