Հայաստանում հաստատվել է COVID-19-ի 523 նոր դեպք․ ապաքինվել է 515, մահացել 10 քաղաքացի
01-07-2020 11:14:16 | Հայաստան | Հասարակություն
ՀՀ ԱՆ վերահսկման և կանխարգելման ազգային կենտրոնից տեղեկացնում են, որ Հայաստանում հուլիսի 1-ի ժամը 11:00-ի դրությամբ հաստատվել է կորոնավիրուսային հիվանդության ընդհանուր 26065 դեպք, որոնցից 14563-ն` առողջացած:
Կորոնավիրուսային հիվանդությամբ փաստացի բուժում է ստանում 10900 պացիենտ: Ընդհանուր առմամբ, կատարվել է 111 665 թեստավորում:
Այսպիսով, հաստատվել է կորոնավիրուսային հիվանդության 523 նոր դեպք և 515 առողջացած։
Ընդհանուր առմամբ, կորոնավիրուսային հիվանդությունից արձանագրվել է մահվան 453 (ավելացել է ևս 10-ով) դեպք: ՀՀ առողջապահության նախարարությունից հայտնում են, որ մահացած պացիենտները եղել են 65, 74, 83, 76, 66, 76 տարեկան տղամարդիկ և 62, 79, 70, 65 տարեկան կանայք։ Բացի վերջինից, մնացած բոլորն ունեցել են ուղեկցող քրոնիկական հիվանդություններ։
Արձանագրվել է մահվան ևս 2 դեպք, երբ պացիենտների մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 149 է։
ՀԱՅԵՐԵՆ
Русский
English
Դաս. հայերեն
French
