Հայ-Ռուսական համալսարանը հրավիրում է «Սահմանադրական իրավունք»-ի օնլայն դպրոց
08-07-2020 10:45:00 | Հայաստան | Մամլո հաղորդագրություն
Հայ-Ռուսական համալսարանի Իրավունքի և քաղաքականության ինստիտուտը հուլիսի 11-18-ն անցկացնելու է «Սահմանադրական իրավունք»-ի օնլայն ամառային դպրոց:
ՀՌՀ մամուլի ծառայությունից հայտնում են, որ դպրոցի բանախոսներն են լինելու Արդարադատության ակադեմիայի պրոռեկտոր, իրավաբանական գիտությունների թեկնածու, սահմանադրագետ Անահիտ Մանասյանը, Բեռլինի Հումբլոտի անվան համալսարանի դոցենտ, իրավաբանական գիտությունների դոկտոր Գոռ Հովհաննիսյանը, Հայ-Ռուսական համալսարանի Իրավունքի և քաղաքականության ինստիտուտի Քրեական իրավունքի և քրեական դատավարության իրավունքի ամբիոնի դասախոս Արամ Վարդևանյանը, Մ. Վ. Լոմոնոսովի անվան Մոսկվայի պետական համալսարանի Իրավաբանական ֆակուլտետի Սահմանադրական և մունիցիպալ իրավունքի ամբիոնի դոցենտ Դմիտրի Շուստրովը, ինչպես նաև Պյատիգորսկի պետական համալսարանի, Ուրալի պետական իրավաբանական համալսարանի և Սիբիրի դաշնային համալսարանի ներկայացուցիչները։
Նշվում է, որ Հայ-Ռուսական համալսարանն իր միջազգային գործընկերների հետ նախաձեռնելու է համալսարանում Սահմանադրական իրավունքի կենտրոնի հիմնադրումը։