Հանրապետությունում հաստատվել է 526 նոր և 573 առողջացած դեպք. կորոնավիրուսից 1 օրում մահացել է 14 մարդ, եւս 6-ը՝ ուղեկից հիվանդություններից. ԱՆ
09-07-2020 11:22:44 | Հայաստան | Հասարակություն
Հուլիսի 9-ի ժամը 11:00-ի դրությամբ հաստատվել է կորոնավիրուսային հիվանդության ընդհանուր 30.346 դեպք, որից 18.000-ը՝ առողջացած, 535-ը՝ մահվան ելքով: Կորոնավիրուսային հիվանդությամբ այս պահին փաստացի բուժում է ստանում 11.641 պացիենտ: Ընդհանուր առմամբ կատարվել է 129.166 թեստավորում:
Այսպիսով՝ այսօր կա կորոնավիրուսային հիվանդությամբ հաստատված 526 նոր դեպք և 573 առողջացած։
Մահվան դեպքերի վերաբերյալ ՀՀ ԱՆ-ից հայտնում են, որ պացիենտները եղել են 83 (տղամարդ), 82 (տղամարդ), 65 (կին), 61 (կին), 74 (կին), 70 (տղամարդ), 82 (տղամարդ), 64 (տղամարդ), 68 (կին), 90 (կին), 81 (տղամարդ), 52 (կին), 65 (տղամարդ) և 63 (կին) տարեկան։ Բացի վերջինից, մնացածն ունեցել են ուղեկցող քրոնիկական հիվանդություններ։
Նախորդ օրն արձանագրվել է մահվան 6 դեպք, երբ պացիենտների մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով: Այդպիսի դեպքերի ընդհանուր թիվը 170 է:
ՀԱՅԵՐԵՆ
Русский
English
Դաս. հայերեն
French
