Այս գիշեր ժամը երեքից ոստիկանության 200 հոգանոց խումբը մտել է Արմավիրի մարզի Եղեգնուտ համայնք և փակել գյուղ մտնող գլխավոր ճանապարհը և համայնքապետարանի չորս կողմը, հանելով այնտեղ գտնվող գյուղացիների մեքենաները։
Այս պահին բնակիչները դաշտերում գործը թողած հավաքվել է համայնքապետարանի դիմաց։ Նրանք իրենց որոշումը չեն փոխել և թե ինչ կլինի դեռ պարզ չէ։
Համայնքի բնակիչները հուսով են, որ ոստիկանությունը ուժ չի կիրառի խաղաղ հավաքի մասնակիցների նկատմամբ։
Համայնքի կողքին կանգնած է բացառապես օրենքի սահմաններում գործող իրավաբանական խումբ, որն ամեն ինչ անելու է ժողովրդի ձայնը համապատասխան մարմիններին հասցնելու և խնդրին լուծում տալու համար։ Այս մասին «Նոյյան Տապան»-ին հայտնեց «Հանուն ժողովրդի բարեկեցության» մարդասիրական և տնտեսական զարգացման ՀԿ նախագահ Այսեր Իսայանը։
Հիշեցնենք որ համայնքում շարունակվում է նախկին գյուղապետի դեմ ցույցերը: Բնակիչները պահանջում են, որ նա չվերականգնվի իր պաշտոնում:
ՀԱՅԵՐԵՆ
Русский
English
Դաս. հայերեն
French
