Այն, ինչ անհնար էր թվում մեկ տարի առաջ, հիմա իրականություն է. քաղաքապետարանը ձեռք կբերի եւս 100 նոր ավտոբուս

16-07-2020 11:48:51   | Հայաստան  |  Հասարակություն
 Երեւանի քաղաքապետ Հայկ Մարությանը ֆեյսբուքյան իր էջում կատարել է հետևյալ գրառումը.
 


 
«Այն, ինչ անհնար էր թվում մեկ տարի առաջ, հիմա իրականություն է:
 
 Համայնքի բյուջեի միջոցներով ևս 100 փոքր չափսի ավտոբուս ձեռք կբերենք։
 
Ինչպես գիտեք, ապրիլին ՎԶԵԲ ֆինանսավորմամբ հայտարարել ենք 12 մետրանոց 100 քաղաքային ավտոբուսների ձեռքբերման մրցույթ, որի արդյունքներն, ի դեպ, կամփոփվեն մոտ օրերս:
 
Իսկ այժմ, համայնքային
բյուջեից ֆինանսական միջոցներ ենք հայթայթել ավելի կարճ ժամկետում ավելի փոքր տարողունակությամբ եւս 100 ավտոբուսի ձեռքբերման համար:
 
Ներկայացնեմ նոր մրցույթում մասնակիցների համար առաջադրված պայմաններից մի քանիսը`
 
ցածր հատակ
 
 հաշմանդամության սայլակի տեղավորման և տեղափոխման հնարավորություն
 
ուղևորասրահում ջեռուցման և օդափոխման, կրակմարիչի առկայություն
 
վարորդի խցիկում քարտային տոմսավորման և GPS սարքերի միացման հնարավորություն
 
 ուղևորների տեղեկացման էլեկտրոնային ցուցատախտակի և կանգառների ավտոմատ հայտարարման սարքերի առկայություն
 
 հաշմանդամություն ունեցող անձանց նստատեղերի և հաշմանդամության սայլակի հարևանությամբ կանգառի ազդանշանման կոճակ
 
Ակնկալում ենք, որ մոտակա ամիսներին փոքր չափսի ավտոբուսների այս խմբաքանակը կլինի Երեւանում, իսկ մի քիչ ավելի ուշ մատակարարվող հաջորդ 100 հատ 12 մետրանոց ավտոբուսների հետ միասին, կունենանք արդեն նկատելի բարելավում մեր ամենաառանցքայիններից՝ հանրային տրանսպորտի ոլորտում»:
Նոյյան տապան   -   Հասարակություն
Լուրեր Հայաստանից եւ Սփյուռքից

Կարդացել են 256 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար