Դժբախտ պատահար Գյումրիում.տրակտորի վարորդը վրաերթի է ենթարկվել ու տեղում մահացել.Shantnews.am
28-07-2020 12:55:37 | Շիրակի մարզ | Ի՞նչ է գրում մամուլը
Այսօր առավոտյան դժբախտ պատահար է տեղի ունեցել Գյումրիի Ներսես Շնորհալի փողոցում: Փողոցաշինական աշխատանքների ժամանակ տրակտորի վարորդը ենթարկվել է վրաերթի և տեղում մահացել: Ըստ նախնական տեղեկությունների, վարորդը տրակտորի շարժիչը միացված է թողել և դուրս եկել խցիկից, որի հետևանքով տրակտորը վրաերթի է ենթարկել վարորդին: Այս մասին Shantnews.am-ին հայտնել են ճանապարհային ոստիկանությունից:
Ոստիկանները պարզել են մահացածի ինքնությունը: Նա Գյումրիի բնակիչ Մանվել Հունանյանն է՝ ծնված 1955 թվականին: Աշխատում էր Գյումրիի ճանապարհաշինական ընկերություններից մեկում: Դեպքի հանգամանքները պարզվում են: