ՀՀ-ում Արցախի մշտական ներկայացուցիչը տեսակցել է Տավուշում վիրավորված զինծառայողներին
04-08-2020 17:18:21 | Արցախ (ԼՂՀ) | Հասարակություն
Օգոստոսի 4-ին Հայաստանի Հանրապետությունում Արցախի Հանրապետության մշտական ներկայացուցիչ Սերգեյ Ղազարյանը ՄՆ աշխատակիցների ուղեկցությամբ այցելել է Ծիծեռնակաբերդի հուշահամալիր և Եռաբլուր պանթեոն, հարգանքի տուրք մատուցել Հայոց ցեղասպանության զոհերի և արցախյան ազատամարտում նահատակված հերոսների հիշատակին:
Մշտական ներկայացուցիչն այցելել է նաև ՊՆ կենտրոնական կլինիկական զինվորական հոսպիտալ, տեսակցել տավուշյան ռազմական գործողությունների ժամանակ վիրավորված զինծառայողներին:
Սերգեյ Ղազարյանը Արցախի Հանրապետության նախագահի և իշխանությունների անունից երախտագիտություն է հայտնել նրանց հայրենասիրության, ցուցաբերած անձնվիրության համար, մաղթել շուտափույթ ապաքինում:
ՀԱՅԵՐԵՆ
Русский
English
Դաս. հայերեն
French
