Շանս ունենք աշնանը լինել համավարակի հաղթահարման վիճակում. վարչապետ

12-08-2020 12:37:59   | Հայաստան  |  Ի՞նչ է գրում մամուլը
Դիմակների պատշաճ կրման դեպքում կարող ենք արձանագրել, որ կորոնավիուսի հետ կապված խնդիրը լուծել ենք:
 


Այդ մասին կառավարության արտահերթ նիստում նշեց վարչապետ Նիկոլ Փաշինյանը։
 
«Մենք այսօր շանս ունենք աշնանն ընդհանրապես լինել բոլորովին ուրիշ՝ հաղթահարման վիճակում՝ անկախ նրանից, թե աշխարհում ինչ կկատարվի։ Այն դեպքում, եթե սովորենք ապրել կորոնավիրուսի հետ։ Դա նշանակում է մեկ բան՝ դիմակի կրման բացառիկ կարգապահություն։ Եթե մենք դիմակի կրման պատշաճ մակարդակ ապահովենք,
կարող ենք արձանագրել, որ գործնականում կորոնավիրուսի հետ կապված խնդիրը լուծել ենք։ Եթե ոչ, կրկին վերադառնալու ենք հուլիսի վիճակին», - «Արմենպրես»-ի հաղորդմամբ, ասաց վարչապետը՝ ավելացնելով, որ հուլիսին եղած իրավիճակին վերադառնալու դեպքում՝ առողջապահական համակարգը պատրաստ է։
 
Նա նշեց, որ համակարգն անցած ամիսներին համալրվել է նոր հզորություններով, որոնք, անկախ կորոնավիրուսից, կօգնեն համակարգին առավել պատրաստ լինել առողջապահական տարբեր խնդիրներին: 
 
Նիկոլ Փաշինյանը նկատեց, որ աշխարհի տարբեր երկրներ վերադառնում են դիմակի կրման պարտադիր պահանջին, քանի որ որոշ թուլացումներից հետո կրկին համաճարակի զարգացման վտանգը մեծացել է: 
 
Հայաստանում օգոստոսի 12-ի դրությամբ հաստատվել է կորոնավիրուսային հիվանդության ընդհանուր 40794 դեպք, որոնցից 33492-ն` առողջացած: Կորոնավիրուսային հիվանդությամբ այս պահին փաստացի բուժում է ստանում 6262 պացիենտ: Ընդհանուր առմամբ, կորոնավիրուսային հիվանդությունից արձանագրվել է մահվան 806 դեպք:
 
 
Նոյյան տապան   -   Ի՞նչ է գրում մամուլը
Լուրեր Հայաստանից եւ Սփյուռքից

Կարդացել են 451 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար