Ինդոնեզիայի նախագահը ՀՀ Անկախության տոնի առթիվ շնորհավորել է Արմեն Սարգսյանին
21-09-2020 15:55:32 | Հայաստան | Մամլո հաղորդագրություն
Հանրապետության նախագահ Արմեն Սարգսյանին Հայաստանի Անկախության տոնի առթիվ շնորհավորական ուղերձ է հղել Ինդոնեզիայի Հանրապետության նախագահ Ջոկո Վիդոդոն:
Ընդգծելով, որ այս տարի նշվում է Հայաստանի և Ինդոնեզիայի միջև դիվանագիտական հարաբերությունների հաստատման 28-ամյակը՝ նախագահ Վիդոդոն երկկողմ հարաբերությունների հետագա զարգացման վստահություն է հայտնել:
Ինդոնեզիայի նախագահը վերհիշել է 2020 թ. հունվարին Արաբական Միացյալ Էմիրություններում նախագահ Արմեն Սարգսյանի հետ հանդիպումը, որի ժամանակ համաձայնություն էր ձեռք բերվել ընդլայնելու համագործակցությունը տեղեկատվական տեխնոլոգիաների, ստեղծարար կրթության, նորարարությունների ոլորտներում և հույս է հայտնել, որ երկու երկրները կյանքի կկոչեն երկկողմ գործակցությունը խթանելու հանձնառությունը:
Նախագահ Վիդոդոն իր բարեմաղթանքներն է հաղորդել նախագահ Սարգսյանին և Հայաստանի ժողովրդին:
ՀՀ նախագահի աշխատակազմի հասարակայնության հետ կապերի վարչություն
ՀԱՅԵՐԵՆ
Русский
English
Դաս. հայերեն
French
