Հայաստանի 14 կուսակցություն համախմբվելու կոչ է արել
27-09-2020 19:36:48 | Հայաստան |
Հայաստանի 14 կուսակցություն՝ հանդես գալով միասնական հայտարարությամբ, դատարապարտել է ադրբեջանական բանակի հարձակումը Արցախի հետ շփման ողջ երկայնքով եւ կոչ արել հայությանը համախմբվել:
«Այս բախտորոշ պահին առաջնային է համահայկական կարողականության մեկտեղումը և միասնական համազգային պատասխանը ագրեսորին», - նշել են նրանք, հավելել, որ ողջ ներուժով սատարում ենք Հայոց բանակին և աջակցում Հայաստանին և Արցախին՝ միջազգային ասպարեզում բացահայտելու և դատապարտելու թշնամու հերթական ագրեսիան:
«Կոչ ենք անում համայն հայությանը համախմբվել այս նպատակների շուրջ՝ ապահովելով ամուր թիկունք և միասնականություն: Դիմում ենք միջազգային կազմակերպություններին, հանրությանը և պետություններին՝ դատապարտելու հայ ժողովրդի դեմ սանձազերծած ադրբեջանաթուրքական հերթական պատերազմը»: