Հացի փռերում, ալրաղացներում եւ այլ ձեռնարկություններում առաջ է եկել լրացուցիչ աշխատուժի կարիք. Արցախը դիմում է օգնության

28-09-2020 12:50:28 | Արցախ (ԼՂՀ) | Մամլո հաղորդագրություն

Արցախի Հանրապետության գյուղատնտեսության նախարարությունը հանդես է եկել հայտարարությամբ՝ կոչ անելով օգնել: Հայտարարության մեջ ասվում է.

Սիրելի մայրեր և քույրեր,

Պատերազմական վիճակի պատճառով հացի փուռերում, ալրաղացներում և վերամշակող ձեռնարկություններում առաջ է եկել լրացուցիչ աշխատուժի կարիք: Պետությունը ձեր կարիքը զգում է:

Կոչ ենք անում համալրել այդ թափուր աշխատատեղերը: Զբաղվածության խնդրի լուծումից զատ, դուք ձեր ծանրակշիռ ներդրումը բերած կլինեք մեր հաղթանակի գործին:

Զորակոչային տարիքը լրացած հարգելի հայրենակիցներ, նշված աշխատավայրերում կա նաև աշխատուժի կարիք: Կոչ ենք անում ձեր ներդրումը բերել:

Կարող եք զանգել հետևյալ հեռախոսահամարներով՝ 097 202 494, 047 97 17 39:

Նոյյան տապան - Մամլո հաղորդագրություն