Մենք չենք թիրախավորելու Ադրբեջանի քաղաքացիական բնակավայրերը. Պողոսյան
30-09-2020 10:54:42 | Արցախ (ԼՂՀ) | Մամլո հաղորդագրություն
Երբևէ որևէ տարբերություն չենք տեսնում սահմանամերձ բնակավայրերի քաղաքացիների ռմբակոծության կամ այսօր արդեն Ստեփանակերտի ուղղությամբ կրակոցների միջև, որովհետև հակառակորդը թիրախավորում է քաղաքացիական անձանց՝ հայտարարել է ԱՀ նախագահի խոսնակ Վահրամ Պողոսյանը:
«Մենք համարում ենք, որ սա Ադրբեջանի կողմից միջազգային հանցագործության դրսևորումներ են: Առաջին հերթին մեր գործընկերների միջոցով ուզում ենք մեր խոսքն ուղղել միջազգային հանրությանը, որ ավելի ակտիվ լինեն և թույլ չտան, որ այն հանցագործությունները, որոնք աշխարհի առաջ իրականցնում է Ադրբեջանը՝ շարունակվի: Մենք ի վիճակի ենք պաշտպանելու մեր հայրենիքը և Ադրբեջանը ստանալու է ՊԲ-ի կողմից հուժկու հարված, բայց երբեք մենք չենք թիրախավորելու նրանց քաղաքացիական բնակավայրերը: Սա մեզ համար ոչ միայն կարմիր գիծ է, այլ սկզբունքային հարց»,-ասաց ԱՀ նախագահի խոսնակը:
Ըստ նրա,Ադրբեջանը միջազգային իրավուքնի տեսակետից ևս շատ կարևոր դատապարտելի տարր է իրականացնում և հենց իր խաղաղ բնակավայրերում է տեղադրում ռազմական օբյեկտները, որտեղից էլ հրետակոծում են մեր խաղաղ բնակավայրերը:
ՀԱՅԵՐԵՆ
Русский
English
Դաս. հայերեն
French
