Բանկերը կներեն մարտերում զոհված կամ հաշմանդամություն ձեռք բերած անձանց վարկերը. ԱԺ-ն ամբողջությամբ ընդունել է նախագիծը

21-10-2020 18:18:29   | Հայաստան  |  Մամլո հաղորդագրություն



 
ԱԺ-ն երկրորդ ընթերցմամբ և ամբողջությամբ ընդունեց ՀՀ հարկային օրենսգրքում լրացումներ կատարելու նախագիծը: Կողմ քվեարկեց 75 պատգամավոր:
 
ՀՀ ֆինանսների փոխնախարար Արման Պողոսյանը նշեց, որ Ֆինանսավարկային և բյուջետային հարցերի մշտական հանձնաժողովի նախագահ Արկադի Խաչատրյանի առաջարկով հստակեցվել են որոշ կարգավորումներ, մասնավորապես այն, որ նախագիծը վերաբերում է նաև վարկի մայր գումարներին: 
 
Փոխնախարարն ասաց, որ կառավորությունն էլ առաջարկել է, որ նախագծում առկա լուծումները կիրառելի լինեն ոչ միայն ռազմական գործողությունների հետևանքով զոհված և հաշմանդամ դարձած, այլև անհայտ կորած անձանց նկատմամբ:
 
Պողոսյանը նշեց նաև, որ առաջարկվում է, որ նախագծի արտոնյալ կարգավորումները կիրառելի լինեն ոչ միայն դասական առումով վարկերի նկատմամբ, այլև այլ ֆինանսական գործիքների, որոնք, ըստ էության, այլընտրանք են վարկերին:
 
Նշենք՝ նախագծով Կառավարությունն առաջարկել է հնարավորություն ընձեռել, որ բանկերը և վարկային կազմակերպությունները կարողանան, առանց հարկային հետևանքներ կրելու, ներել ռազմական գործողությունների հետևանքով զոհված կամ հաշմանդամություն ձեռք բերած անձանց և նրանց հետ փոխկապակցված անձանց որոշակի շրջանակի վարկային պարտավորությունները: Խոսքնը առաջին կարգի ազգակցական փոխկապակցված անձանց մասին է՝ համատեղությամբ ապրող ծնողներ, ամուսին, համատեղությամբ ապրող զավակներ:
գումարներին:    Փոխնախարարն
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից


Կարդացել են 230 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար