Նաիրա Զոհրաբյանը Եգիպտոսի դեսպանին է ներկայացրել ադրբեջանական զինուժի վայրագությունները

22-10-2020 15:05:14   | Հայաստան  |  Հասարակություն
 


«Բարգավաճ Հայաստան» խմբակցության պատգամավոր Նաիրա Զոհրաբյանը գրել է, որ որպես Հայաստան-Եգիպտոս միջխորհրդարանական բարեկամության խմբի նախագահ հանդիպել է Հայաստանում Եգիպտոսի արտակարգ և լիազոր դեսպան Բահաա Էլ Դին Բահգատ Դիսուկի հետ
 
«Որպես Հայաստան-Եգիպտոս միջխորհրդարանական բարեկամության խմբի նախագահ՝ քիչ առաջ հանդիպեցի Հայաստանում Եգիպտոսի արտակարգ և լիազոր դեսպան Բահաա Էլ Դին Բահգատ Դիսուկի հետ։
 
Կրկին դեսպանին ներկայացրեցի ադրբեջանա-թրքական
տանդեմի սանձազերծած պատերազմի հումանիտար աղետը, ՆԱՏՕ-ի անդամ Թուրքիայի և միջազգային ահաբեկչական խմբավորումների ուղղակի մասնակցությունն այս աղետալի պատերազմին, ինչպես նաև՝ Թուրքիայի փոխնախագահի երեկ արված հայտարարությունը, թե Թուրքիան պատրաստ է զինուժ ուղարկել Ադրբեջան, այսինքն՝ անմիջականորեն ներգրավվել պատերազմական գործողություններին։
 
Իսկ դա նշանակում է, որ Ադրբեջանում փաստացի տեղակայվելու են ՆԱՏՕ-ի զորքերը։
Ներկայացրեցի բոլոր այն միջազգային կոնվենցիաները, որոնք կոպտորեն խախտել է ադրբեջանա-թրքական տանդեմը՝ թիրախ դարձնելով թե՛ քաղաքացիական բնակավայրերը, թե՛ քաղաքացիական անձանց՝ երեխաների, կանանց, տարեցների և թե՛ միջազգային կոնվենցիաներով արգելված զինատեսակների օգտագործման փաստերը։
 
Փոխանցեցի նաև հայ ռազմագերիների հանդեպ Ադրբեջանի կատարած վայրագությունները, ինչը փաստում է այդ տանդեմի կատարած ռազմական հանցագործությունները։
 
Մտահոգությունս հստակ էր՝ եթե միջազային հանրությունը շարունակի իր անորոշ դիտորդական կեցվածքը, այս պատերազմը կարող է վերածվել աղետալի տարածաշրջանային կոնֆլիկտի»,- ասված է Նաիրա Զոհրաբյանի գրառման մեջ։
 
«Բարգավաճ Հայաստան» խմբակցության պատգամավոր
 
Նոյյան տապան   -   Հասարակություն
Լուրեր Հայաստանից եւ Սփյուռքից

Կարդացել են 121 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար