Վրաստանում խորհրդարանական ընտրություններ են տեղի ունենում
31-10-2020 13:07:48 | Վրաստան | Ի՞նչ է գրում մամուլը
Այսօր Վրաստանում խորհրդարանական ընտրություններ են: Վրաստանի Կենտրոնական ընտրական հանձնաժողովի տվյալներով երկրի տարածքում հոկտեմբերի 31-ին բացվում է 3657 ընտրատեղամաս. հայտնում է Ալիքը:
Ընտրատեղամասերում ընտրություններին մասնակցել հնարավոր է առավոտյան ժամը 08:00-ից մինչև երեկոյան ժամը 20:00-ն: 2020 թվականի սեպտեմբերի 9-ի տվյալներով՝ Վրաստանում ընտրողների ընդհանուր քանակը կազմում է 3 511 338:
Խորհրդարանական ընտրությունները կանցկացվեն խառը 120/30 ընտրական համակարգով: Ընտրողները կստանան երկու քվեաթերթիկ, որոնցից մեկում նրանք պետք է նշեն իրենց նախընտրած մեծամասնական թեկնածուին, իսկ մյուսում՝ կուսակցությանը: