Աշխարհի առաջնության փոխարեն կանցկացվի անհատական Աշխարհի գավաթ․ ՀՀ հավաքականները ևս կմասնակցեն
11-11-2020 15:10:06 | Հայաստան | Սպորտ
Ըմբշամարտի միջազգային ֆեդերացիան (UWW) որոշել է փոխել Բելգրադում կայանալիք Աշխարհի առաջնության ձևաչափը․ կանցկացվի անհատական Աշխարհի գավաթ։ Պատճառն այն է, որ շատ երկրներ հրաժարվում են մասնակցելու աշխարհի առաջնությանը՝ իրենց երկրներում կորոնավիրուսի խիստ սահմանափակումների պատճառով: Մասնակից երկրների սակավությունն էլ ստիպել է միջազգային ֆեդերացիային փոխել մրցաշարի ձևափաչը:
Մրցաշարի անցկացման ֆորմատն առայժմ չի հրապարակվում, բայց, ամենայն հավանականությամբ, այն լինելու է նույն աշխարհի առաջնության նման, պարզապես ավելի քիչ մասնակիցներով:
Ինչպես հաղորդում է ըմբշամարտի Հայաստանի ֆեդերացիան, մրցաշարը կայանալու է դեկտեմբերի 12-20, և Հայաստանի ազատ ոճի և հունահռոմեական ոճի ըմբշամարտի հավաքականները մասնակցելու են վերը նշված մրցմանը։
ՀԱՅԵՐԵՆ
Русский
English
Դաս. հայերեն
French
