Ընթանում է հայկական ու ռուսական պատվիրակությունների՝ ընդլայնված կազմով հանդիպումը
21-11-2020 12:22:16 | Հայաստան | Ի՞նչ է գրում մամուլը
Այս պահին ընթանում է հայկական ու ռուսական պատվիրակությունների՝ ընդլայնված կազմով հանդիպումը:
Ռուսական կողմից հանդիպմանը մասնակցում են ՌԴ պաշտպանության նախարար Սերգեյ Շոյգուն, ԱԳ նախարար Սերգեյ Լավրովը, փոխվարչապետները: Սպասվում է Սերգեյ Լավրովի առանձին հանդիպումը ՀՀ վարչապետի հետ:
Տեղեկությունը հայտնել եւ հանդիպման ընթացքից ֆեյսբուքյան իր էջում լուսանկար է հրապարակել ՌԴ ԱԳՆ պաշտոնական ներկայացուցիչ Մարիա Զախարովան:
Հիշեցնենք, երեկ նախարարների եւ մի շարք այլ պաշտոնյաների, զինվորականների հետ խորհրդակցություն է ունեցել ՌԴ նախագահ Վլադիմիր Պուտինը՝ հայտնելով դեպի Երեւան, այնուհետ՝ Բաքու սպասվող ռուսական միջգերատեսչական պատվիրակության այցի մասին: Պուտինը փոխանցել է, որ այցի նպատակը Ղարաբաղում հումանիտար իրավիճակի գնահատումն է եւ այդ ուղղությամբ հետագա քայլերը: