Հոկտեմբերին տնտեսական ակտիվության ցուցանիշը նվազել է 8․1, առեւտրի շրջանառությունը՝ շուրջ 21 տոկոսով

25-11-2020 13:46:34   | Հայաստան  |  Մամլո հաղորդագրություն
Հայաստանի տնտեսական ակտիվության ցուցանիշը (ՏԱՑ) 2020 թվականի հոկտեմբերին 2019-ի հոկտեմբերի համեմատ նվազել է 8.1 տոկոսով:
 


Վիճակագրական կոմիտեն ներկայացրել է երկրի սոցիալ-տնտեսական վիճակը բնութագրող ընթացիկ-օպերատիվ ամփոփմամբ ստացված նախնական հիմնական մակրոտնտեսական ցուցանիշները:
 
Աճ է արձանագրել միջին ամսական անվանական աշխատավարձը՝ 1 տոկոսով, սպառողական գնաճը կազմել է 1.3 տոկոս, իսկ արդյունաբերական արտադրանքի գնաճը՝ 4.1 տոկոս:
 
2020-ի հոկտեմբերին նախորդ տարվա նույն ամսվա համեմատ շինարարության ծավալը աճել է 0.3 տոկոսով: Աճել է նաեւ էլեկտրաէներգիայի արտադրությունը՝ 3 տոկոսով։
 
Մնացած ցուցանիշները, ըստ էության, անկումային են։ Արդյունաբերական արտադրանքի ծավալը նվազել է 3 տոկոսով։
 
Արտաքին առեւտրաշրջանառության ծավալները 2020-ի հոկտեմբերին նախորդ տարվա նույն ժամանակահատվածի համեմատ նվազել են 18.5 տոկոսով. արտահանումը նվազել է 5.4 տոկոսով, իսկ ներմուծումը՝ 24.3 տոկոսով:
 
Ծառայությունների ծավալը (առանց առեւտրի) նվազել է 21 տոկոսով։
 
Առեւտրի շրջանառությունը նվազել է 20.9 տոկոսով:      
 
Ընդհանուր առմամբ հունվար-հոկտեմբերին 2019-ի հունվար-հոկտեմբերի համեմատ տնտեսական ակտիվության ցուցանիշը նվազել է 6.7 տոկոսով։  
տոկոս:   2020-ի
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 196 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար