Հայաստանը սփյուռքին է պետք, սփյուռքը՝ հայրենիքին. Դենիս Ջորկաեֆ

01-12-2020 15:10:38   | Հայաստան  |  Հասարակություն
 


Սփյուռքի գործերի գլխավոր հանձնակատարի գրասենյակից հայտնում են, որ Յուրի և Դենիս Ջորկաեֆն
երը հյուրընկալվել են գրասենյակում: Գլխավոր հանձնակատար Զարեհ Սինանյանը նախ շնորհակալություն է հայտնել ֆրանսահայ եղբայրներին պատերազմի օրերին Հայաստանին ցուցաբերած ահռելի օգնության համար և հույս հայտնել, որ այս համագործակցությունը գնալով կխորանա:
 
Դեսինի փոխքաղաքապետ Դենիս Ջորկաեֆն ընդգծել է, որ պատերազմի ընթացքում հատկապես Սփյուռքի գործերի գլխավոր հանձնակատարի գրասենյակի հետ սերտ և արդյունավետ աշխատանք է ծավալվել:
 
«Հայաստանը սփյուռքին է պետք և սփյուռքը՝ հայրենիքին»,- նշել է Դենիս Ջորկաեֆը: Աշխարհի ֆուտբոլի չեմպիոն Յուրի Ջորկաեֆն ընդգծել է, որ մշտապես ներգրավված է եղել Արցախին օգնելու գործում և պատրաստակամ է այն շարունակել:
 
Հանդիպման ընթացքում քննարկվել են նաև ֆրանսահայ համայնքի հետ աշխատանքին առչվող մի շարք ուղղություններ:  Գլխավոր հանձնակատար Զարեհ Սինանյանը Ջորկաեֆ եղբայրների ուղեկցությամբ այցելել է «Մենք հայ ենք» միասնական բարեգործական հիմնադրամ, որը գործում է սփյուռքահայերի, մասնավորապես՝ ֆրանսահայերի ջանքերով: Հիմնադրամն հումանիտար օգնություն է տրամադրում արցախահայությանը: Հյուրերը շրջել են հիմնադրամում, ծանոթացել ֆրանսահայ երիտասարդ կամավորների հետ:
 
 
 
Նոյյան տապան   -   Հասարակություն
Լուրեր Հայաստանից եւ Սփյուռքից
Կարդացել են 285 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար


Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար