Նպատակահարմար եմ համարել Թանդիլյանի թեկնածությունը՝ հաշվի առնելով նրա փորձն ու գիտելիքները. ԱՀ նախագահ
02-12-2020 14:40:49 | Արցախ (ԼՂՀ) | Հասարակություն
Արցախի նախագահ Արայիկ Հարությունյանը մեկնաբանել է ԱՀ աշխատանքի, սոցիալական և բնակարանային հարցերի նախարարիի պաշտոնում Մանե Թանդիլյանի նշանակումը:
«Սիրելի՛ հայրենակիցներ
Այսօր ստորագրած հրամանագրերիս համաձայն՝ Միքայել Սամվելի Վիրաբյանն ազատվել է Արցախի Հանրապետության աշխատանքի, սոցիալական և բնակարանային հարցերի նախարարի պաշտոնից՝ այլ աշխատանքի անցնելու կապակցությամբ, իսկ Մանե Վանյայի Թանդիլյանը նշանակվել է այդ պաշտոնին։
Միքայել Վիրաբյանն իր պաշտոնավարման կարճ ժամանակահատվածում ցուցաբերել է բարձր արհեստավարժություն, բայց ստեղծված պայմաններում նպատակահարմար եմ գտել Մանե Թանդիլյանի թեկնածությունը՝ հաշվի առնելով նրա փորձն ու գիտելիքները, քանի որ ակնկալում եմ, որ ավելի արդյունավետ լուծումներ կգտնենք երկրում առկա սոցիալական լարվածությունը մեղմելու համար:
Իսկ այսօր կայացած հանդիպման ժամանակ ես նաև իմ անկեղծ շնորհակալությունն եմ փոխանցել տիկին Թանդիլյանին՝ ցուցաբերած պատրաստակամության և հետպատերազմական այս ծանր ժամակաշրջանում աշխատանքի առաջարկն ընդունելու համար»,-հայտարարել է ԱՀ նախագահը:
ՀԱՅԵՐԵՆ
Русский
English
Դաս. հայերեն
French
