Առաջարկվում է հին անձնագրերի տրամադրման ժամկետը երկարաձգել ևս 1 տարով

03-12-2020 14:40:09   | Հայաստան  |  Մամլո հաղորդագրություն
 


Այսօր ԱԺ պետաիրավական հարցերի հանձնաժողովի նիստում հավանության արժանացան «Հայաստանի Հանրապետության քաղաքացու անձնագրի մասին» օրենքում և «Նույնականացման քարտերի մասին» օրենքում փոփոխությունների նախագծերը:
 
ՀՀ ոստիկանապետի տեղակալ Արա Ֆիդանյանի խոսքով՝ առաջարկվում է ևս մեկ տարով երկարաձգել քաղաքացիներին
հին անձնագրերի տրամադրումը: 
 
Նա հիշեցրեց, որ 2021 թվականից պետք է ամբողջությամբ անցում կատարվեր նույնականացման քարտերի՝ կենսաչափական անձնագրերի, սակայն եթե խորհրդարանն ընդունի առաջարկվող փոփոխությունը, քաղաքացիները կարող են ևս մեկ տարի՝ մինչև 2022 թվականը, հին անձնագրեր ստանալ՝ վճարելով պետական տուրքը:  
 
Փոխոստիկանապետը պարզաբանեց, որ կենսաչափական անձնագրերին անցման գործընթացը երկարաձգվում է համավարակի և պատերազմական իրավիճակով: Նա հայտնեց, որ արդեն ստեղծվել է հանձնաժողով, և մինչև 2022 թվականը փոփոխությունները կմտնեն ուժի մեջ:
 
Նախագծերը դրական եզրակացությամբ ընդգրկվեցին դեկտեմբերի 8-ին մեկնարկող ԱԺ լիագումար նիստերի օրակարգում: 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 782 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար