Լավրովի տարօրինակ հայտարարությունը. գաղտնի հավելվածներ չկան
18-01-2021 15:17:46 | Ռուսաստան | Ի՞նչ է գրում մամուլը
Նոյեմբերի 9-ի եւ հունվարի 11-ի հայտարարություններում գաղտնի հավելվածներ չկան, ասուլիսի ժամանակ հայտարարել է ՌԴ ԱԳՆ ղեկավար Սերգեյ Լավրովը: «Նոյեմբերի 9-ի հայտարարությունը բավական արդյունավետ է իրականացվում: Այդ գնահատականը տվել են եւ նախագահ Ալիեւը, եւ վարչապետ Փաշինյանը», ասել է Լավրովը:
Այն, որ նոյեմբերի 9-ի հայտարարությունը բավական արդյունավետ է իրականացվում, կասկած չկա: Ընդ որում, իրականացվում է մի բան էլ ավելի, Մոսկվա-Բաքու արագացված ռեժիմում, հայերի հաշվին: Մյուս կողմից, իրականացվում են նաեւ միջոցառումներ, որոնց մասին խոսք չկա նոյեմբերի 9-ի փաստաթղթում: Դրանք կամ պետք է իրականացվեն համաձայն գաղտնի հավելվածների, կամ բանավոր պայմանավորվածությունների: Եթե հավատանք Լավրովին, ուրեմն իրականացվում են բանավոր պայմանավորվածություններով, որոնք հետագայում պետք է թերեւս վերածվեն պայմանագրի: Իր հերթին, բանավոր պայմանավորվածությունների ռեժիմը նշանակում է հարկադրանք կողմերից մեկի վրա:
ՀԱՅԵՐԵՆ
Русский
English
Դաս. հայերեն
French
