Անահիտ Ավանեսյանը նշանակվել է Առողջապահության նախարար
18-01-2021 17:07:58 | Հայաստան | Մամլո հաղորդագրություն
ՀՀ վարչապետի առաջարկով և ՀՀ նախագահի հրամանագրով՝ Արսեն Թորոսյանն ազատվել է առողջապահության նախարարի պաշտոնից:
«Հիմք ընդունելով վարչապետի առաջարկությունը՝ համաձայն Սահմանադրության 131-րդ հոդվածի, ինչպես նաև «Կառավարության կառուցվածքի և գործունեության մասին» օրենքի 5-րդ հոդվածի 1-ին մասի. Արսեն ԹՈՐՈՍՅԱՆԻՆ ազատել առողջապահության նախարարի պաշտոնից»,- ասված է հրամանագրում:
Նախագահի մեկ այլ հրամանագրով՝ Անահիտ Ավանեսյանը նշանակվել է առողջապահության նախարար:
«Հիմք ընդունելով վարչապետի առաջարկությունը` համաձայն Սահմանադրության 131-րդ հոդվածի, ինչպես նաև «Կառավարության կառուցվածքի և գործունեության մասին» օրենքի 5-րդ հոդվածի 1-ին մասի.
Անահիտ Ավանեսյանին նշանակել առողջապահության նախարար»,- ասված է հրամանագրում:
Ավանեսյանը 2018 թվականի մայիսի 24-ից զբաղեցրել է առողջապահության նախարարի տեղակալի պաշտոնը, 2020 թվականի մայիսի 11-ից` առողջապահության նախարարի առաջին տեղակալի:
2021 թվականի հունվարի 18-ին Անահիտ Ավանեսյանը նշանակվել է առողջապահության նախարար:
ՀԱՅԵՐԵՆ
Русский
English
Դաս. հայերեն
French
