Սկանդալային արտահոսք գերիների հարցով

19-01-2021 13:44:32   | Հայաստան  |  Վերլուծություն



Lragir.am  Կրեմլի՝ ուկրաինական ուղղությամբ աշխատող շրջանակներին մոտ կանգնած Տելեգրամ ալիքներից մեկը սկանդալային տեղեկություն է հրապարակել այն մասին, որ ռուսական կողմը պարբերաբար ուկրաինացի գերիներ է վերցնում Ղրիմում եւ
Դոնբասում, որի նպատակը նրանց վերադարձնելու դիմաց ուկրաինական զորքերի վերատեղակայումն է շփման ներկայիս գծից, ռուսական պայմաններով:
 
Ուկրաինայում, մասնավորապես նախագահ Զելենսկիի շրջապատում կան անձինք, ովքեր գերիների հարցը հայտարարում են ամենակարեւորը եւ հանդես են գալիս նրանց վերադարձնելու նպատակով Ռուսաստանի պայմաններին համաձայնելու օգտին: Ըստ փորձագետների, Մոսկվան շտապում է մինչեւ ամերիկյան նոր վարչակազմի հաստատումը բարելավել իր ռազմա-քաղաքական դիրքերը Ուկրաինայում, «Մինսկի գործընթացի» շրջանակում:
 
Ծանո՞թ պատկեր է: Մոսկվան ու Բաքուն գերիների հարցով ակնհայտ ճնշում են գործադրում Հայաստանի վրա, այդ խնդիրը ծառայեցնելով հայկական զորքերի տեղակայման հարցերն Արցախում ու Հայաստանում վերանայելու, երկրի ներքին մթնոլորտը դեստրուկտիվ հունի մեջ պահելու, այլ խնդիրների վերաբերյալ հայկական հնարավոր պահանջները չեզոքացնելու համար:
 
Հայաստանից հնչող հայտարարությունները՝ թե ներկայում միակ ու ամենակարեւոր խնդիրը գերիների հարցի լուծումն է, որի մասին խոսում են իշխող ու չիշխող խմբավորումները, ցույց է տալիս, որ այդ մեթոդն աշխատում է իր ողջ ընդգրկմամբ:
 
Հիշեցնենք, որ ռուսական կողմը ՄԻԵԴ-ում հաստատել է Բաքվի այն պնդումները, թե Հադրութի շրջանում մոտ 6 տասնյակ գերեվարվածները ահաբեկիչներ են: Հիշեցնենք նաեւ, որ նրանք գերեվարվել էին ռուս խաղաղապահների ժամանումից հետո:
 
 
 
 
Նոյյան տապան   -   Վերլուծություն
Լուրեր Հայաստանից եւ Սփյուռքից


Կարդացել են 342 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար