ՀՀ ֆինանսների փոխնախարարը ԶՖԳ փոխտնօրենի հետ քննարկել է Վեդու ջրամբարի կառուցման ծրագիրը
27-01-2021 18:18:48 | Հայաստան | Մամլո հաղորդագրություն
Հունվարի 27-ին ՀՀ ֆինանսների նախարարի տեղակալ Արմեն Հայրապետյանն ընդունել է Զարգացման ֆրանսիական գործակալության (ԶՖԳ) փոխտնօրեն Բերտրան Վալկենարի գլխավորած պատվիրակությանը:
Կողմերը բարձր են գնահատել համագործակցության ներկայիս մակարդակը:
Հայկական կողմը նշել է, որ ԶՖԳ-ն Հայաստանի, մասնավորապես ՀՀ ֆինանսների նախարարության համար կարևոր գործընկեր է: Հանդիպման շրջանակներում անդրադարձ է կատարվել ընթացիկ ծրագրերին առնչվող հարցերի, այդ թվում՝ Հայաստանում ներդրումային ծրագրերի իրականացման հնարավորություններին:
Ի թիվս այլ հարցերի՝ քննարկվել է նաև Վեդու ջրամբարի կառուցման ծրագրի ներկա վիճակը և դրա շրջանակում հետագա համագործակցության հնարավորությունները: Միաժամանակ, ընդգծվել է տարբեր ոլորտներում ԶՖԳ-ի կողմից տեխնիկական աջակցության ուղղությամբ հետագա փոխգործակցության ակտիվացման կարևորությունը:
ՀԱՅԵՐԵՆ
Русский
English
Դաս. հայերեն
French
