Հայաստանը չի կարող առանց բանակի գոյություն ունենալ. Արա Պապյան
28-01-2021 15:49:53 | Հայաստան | Ի՞նչ է գրում մամուլը
Lragir.am «Պետք է ստեղծել առողջ հասարակություն, որի ամեն մի ներդրած գումարը ճիշտ նպտակակետին կհասնի։ Այո, մենք խաղաղության կողմնակից ենք, բայց խաղաղություն հնարավոր է մեր տարածաշրջանում, եթե ունես բավարար ռազմական ուժ՝ հակադարձելու։ Ցավոք սրտի, մեր միջավայրը այն միջավայրը չէ, որ խեղճանալով խաղաղություն լինի։ Հետևաբար, մենք առաջիկա տարիներին ամեն ինչ պետք է անենք՝ ստեղծելու ժամանակակից բանակ»,- այս մասին «Ազգային ժողովրդավարական բևեռ»-ի նախաձեռնած երթի ժամանակ ասաց քաղաքագետ Արա Պապյանը։
Նա նշեց, որ մեր ամենամեծ խնդիրներից մեկը հիմա այն է, որ ոչ թե պոռոտախոսությամբ ու կարգախոսներով պետք է փորձել դառը պարտությունը ծածկել, այլ պետք է վերլուծել մանրակրկիտ, հասկանալ սխալները, մեղավորներին պատժել։ «Մեզ մոտ պատժի գաղափարն ընդհանրապես մոռացվել է, բայց մեղավորներին պետք է պատժել, արդարամիտներին ու առաքինիներին՝ խրախուսել և հետևողականորեն գնալ բանակի ստեղծմանը։ Հայաստանը չի կարող առանց բանակի գոյություն ունենալ»,- հավելեց նա։