Լրագրողը ոստիկանների հրելու հետևանքով չի ընկել. պարզաբանում
23-02-2021 18:16:51 | Հայաստան | Մամլո հաղորդագրություն
ՀՀ ոստիկանությունը հայտարարություն է տարածել այսօր ընդդիմության ակցիայի ժամանակ տեղի ունեցած միջադեպի առնչությամբ:
«Լրատվական կայքերից մեկում հրապարակվել է «Ոստիկանները լրագրողին հրելով գցեցին գետնին» վերտառությամբ տեսանյութ, որի կապակցությամբ ոստիկանության ներքին անվտանգության վարչությունում իրականացվել է ծառայողական ուսումնասիրություն։
Տեսագրության զննությամբ պարզվել է, որ լրագրողը ոստիկանության ծառայողների հրելու հետևանքով չի ընկել, այլ նրա որովայնին է դիպել նույն պահին բերման ենթարկվող քաղաքացու ոտքը, իսկ ոստիկանության ծառայողներն օգնել ու բարձրացրել են գետնին ընկած լրագրողին»։
ՀԱՅԵՐԵՆ
Русский
English
Դաս. հայերեն
French
