Պատկերացնո՞ւմ եք՝ եթե պարոն Փաշինյանի կասկածները ճիշտ դուրս գան․ Անդրանիկ Քոչարյան
24-02-2021 14:10:25 | Հայաստան | Ի՞նչ է գրում մամուլը
Lragir.am «Ես որևէ կրակոցի հաստատման կամ չհաստատման մասին չեմ խոսի, չեմ հաստատի կամ չեմ հերքի, թե Իսկանդերի կրակոցը որ ուղղությամբ էր։ Բայց Իսկանդերը աշխատող է, թե չէ, կարծում եմ՝ հանրապետության վարչապետի կողմից հնչեցված այդ տեսակետն ուսումնասիրման կարիք ունի»,- Ազգային ժողովում լրագրողների հետ ճեպազրույցում ասաց ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը:
«Ինձ էլ է հետաքրքրում՝ մեր ձեռք բերած Իսկանդերի, ընդհանրապես, մեր վերջին գոնե 15 տարվա սպառազինության ձեռքբերումները ճիշտ են եղել, թե՞ սխալ, աշխատող են։ Դուրս է գալիս, որ մենք ձեռք ենք բերել այնպիսի սպառազինություն, որ կրակողը վստահ էր, որ այդ կոորդինատները տալուց հետո ճիշտ նշանակետին պիտի հասնի, բայց պատկերացնո՞ւմ եք՝ եթե պարոն Փաշինյանի կասկածները ճիշտ դուրս գան: Դա նշանակում է, որ մենք ամեն ինչ պետք է վերանայենք։ Բայց վերանայել չի նշանակում անընդհատ հետ գնալ, պետք է առաջ գնալու մասին էլ մտածենք։ Ապագայում ձեռք բերելիք սպառազինությունը և պահանջները պետք է խիստ վերահսկողության տակ լինեն»,- հավելեց Անդրանիկ Քոչարյանը։
ՀԱՅԵՐԵՆ
Русский
English
Դաս. հայերեն
French
