Այս մասին քիչ առաջ հրապարակում հրավիրված հանրահավաքի ընթացքում հայտարարեց ՀՀ վարչապետ Նիկոլ Փաշինյանը:
Ըստ նրա՝ թավիշին վերջ դնելը նշանակում է օրինականության հաստատում:
«Ժողովուրդն այսօր մեկ ակնկալիք ունի, և ես ուզում եմ ներողություն խնդրել բոլորիցդ, որ այդ ակնկալիքը չեմ իրականացրել, որ անընդհատ ասում ենք՝ վերջ թավիշին, վերջ թավիշին, չենք անում»,- Ն. Փաշինյանը՝ հավելելով. «Ժողովրդին թալանածներն այլևս վերադառնալու ճանապարհ և հնարավորություն չունեն»:
Հիշեցնենք, որ այսօր առավոտյան ՀՀ ԶՈՒ գլխավոր շտաբը հայտարարություն էր տարածել՝ պահանջելով վարչապետի և կառավարության հրաժարականը, որը վարչապետ Նիկոլ Փաշինյանը որակեց ռազմական հեղաշրջման փորձ:
Նա նախ ֆեյսբուքյան լայվով դիմեց քաղաքացիներին՝ կոչ անելով հավաքվել Հանրապետության հրապարակում, ապա քաղաքացիների առաջ ելույթ ունենալուց հետո այս պահին երթ է իրականացնում մայրաքաղաքի փողոցներով:
ՀԱՅԵՐԵՆ
Русский
English
Դաս. հայերեն
French
