Ժողովրդի կամքի «գնդակահարումը» պետք է լինի անցյալում. արդարադատության նախարար
01-03-2021 13:36:03 | Հայաստան | Հասարակություն
ՀՀ արդարադատության նախարար Ռուստամ Բադասյանֆեյսբուքյան իր էջում գրառում է կատարել, որտեղ անդրադարձել է Մարտի 1-ի իրադարձությունների տարելիցին:
«2008 թվականի մարտի 1-ի ողբերգությունից տասը տարի անց՝ Հայաստանում ժողովրդի անմիջական մասնակցությամբ տեղի ունեցած հեղափոխությունից հետո, առաջին անգամ ունեցանք այնպիսի արտահերթ խորհրդարանական ընտրություններ, որոնք միջազգային և տեղական դիտորդական կազմակերպությունների կողմից գնահատվեցին իրապես ազատ, արդար, թափանցիկ և ժողովրդավարական:
Սա արժեք է, որը մեր ժողովուրդը ձեռք է բերել բազում փորձությունների միջով անցնելով։
Հայաստանի Հանրապետությունն այսօր, այո՛, ժողովրդավարական պետություն է, այստեղ իշխանությունը ձևավորում է ու ձևավորվելու է բացառապես ընտրությունների միջոցով։
Ժողովրդի կամքի «գնդակահարումը» պետք է լինի անցյալում, և Հայաստանի Հանրապետության քաղաքացիներն այլևս երբեք չեն զիջելու իրենց իշխանությունը»։
ՀԱՅԵՐԵՆ
Русский
English
Դաս. հայերեն
French
