Փետրվարի 26-ից մարտի 1-ը ոստիկանությունը բացահայտել է հանցագործության 125 դեպք

01-03-2021 14:30:55   | Հայաստան  |  Հասարակություն



 
Ըստ ոստիկանության օպերատիվ հաղորդագրությունների ամփոփագրերի` փետրվարի 26-ից մարտի 1-ը Հայաստանի Հանրապետության ոստիկանության ստորաբաժանումները բացահայտել են հանցագործության 125 դեպք, որից 8-ը՝ նախկինում կատարված։
 
Մասնավորապես, բացահայտվել է անձնական ունեցվածքի գողության
՝ 37, մարմնական վնասվածք պատճառելու՝ 17, խարդախության` 16, յուրացման կամ վատնման՝ 11, ծեծի՝ 6, թմրամիջոցի հայտնաբերման՝ 5, բնակարանային գողության և զենք-զինամթերքի առգրավման՝ 4-ական, գույքը դիտավորությամբ վնասելու, ապօրինի ծառահատման, թմրամիջոցի իրացման և պաշտոնեական կեղծիքի կամ անփութության՝ 2-ական, անձի առևանգման, պետական-հասարակական ունեցվածքի գողության, իշխանության ներկայացուցչի նկատմամբ բռնության, պաշտոնեական լիազորությունների չարաշահման, քրեական միջավայր ստեղծելու կամ ղեկավարելու և քրեական միջավայրին հարելու, սեքսուալ բնույթի բռնի գործողությունների, ընտանեկան բռնության, փաստաթուղթ կեղծելու, և գույքն անզգուշությամբ վնասելու՝ 1-ական դեպք։
 
Հայտնաբերվել է 1 անհետ կորած, 9 հետախուզվող։ Կամավոր ներկայացել է 7 հետախուզվող։
 
Գրանցվել է զենք-զինամթերքի կամավոր հանձնման 3 դեպք։
 
Նախկինում կատարված հանցագործություններից բացահայտվել է անձնական ունեցվածքի գողության՝ 6, ապօրինի ծառահատման և վանդալիզմի 1-ական դեպք։
 
Անցած 3 օրվա ընթացքում հանրապետությունում արձանագրվել է ճանապարհատրանսպորտային 33 պատահար. 2 մարդ զոհվել է, 53-ը՝ ստացել տարբեր աստիճանի մարմնական վնասվածքներ:
 
 
Նոյյան տապան   -   Հասարակություն
Լուրեր Հայաստանից եւ Սփյուռքից


Կարդացել են 96 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար