ՏՄՊՊՀ-ում կուսումնասիրեն անբարեխիղճ մրցակցության կանխարգելման ԵՄ փորձը

01-03-2021 17:22:04   | Հայաստան  |  Մամլո հաղորդագրություն



 
2021 թվականի մարտի 1-ից մեկնակել է ԹԱՅԵՔՍ գործիքի «Սպառողների շահերի պաշտպանության վերաբերյալ ՀՀ օրենսդրության բարելավման և անբարեխիղճ մրցակցության գործողությունների կանխարգելման հիմնարար սկզբունքների վերաբերյալ ԵՄ լավագույն փորձը» թեմայով ԵՄ փորձագիտական առաքելության 5-օրյա ծրագիրը, որն անցկացվում է առցանց ձևաչափով:
 
ՀՀ տնտեսական մրցակցության պաշտպանության պետական հանձնաժողովի նախագահ Գեղամ Գևորգյանը ողջունել է մասնակիցներին՝ կարևորելով այն համատեղ ջանքերը, որոնց շնորհիվ
ծրագիրը կազմվել և կյանքի է կոչվել:
 
«Սա շատ կարևոր միջոցառում է հանձնաժողովի համար հատկապես այժմ, երբ տնտեսական մրցակցության օրենսդրության մեջ լայնածավալ փոփոխություններ են կատարվում, մշակվում և ներդրվում են նոր մեխանիզմներ, արդիականացվում է ընդհանուր գործունեությունը՝ միջազգային լավագույն փորձին համահունչ»,- նշել է Գեղամ Գևորգյանը:
 
ՏՄՊՊՀ նախագահի խոսքով՝ գործունեության 20 տարիների ընթացքում հանձնաժողովը բազմաթիվ ձեռքբերումներ է ունեցել, այնուամենայնիվ այժմ առկա են նոր մարտահրավերներ, որոնք պահանջում են հմտությունների և գործիքակազմի մշտական արդիականացում: Այդ համատեքստում նա մասնավորապես շեշտել է հասարակության մոլորեցման կամ շփոթության առկայությունը որոշելու մեթոդոլոգիայի և չափորոշիչների, ինչպես նաև զեղչերի կիրառման ընթացքում մոլորեցումների դեպքերը բացահայտելու վերաբերյալ ԵՄ փորձի կարևորությունը:
 
Միջոցառման 5 օրերի ընթացքում ծրագրի փորձագետները Հանձնաժողովի աշխատակիցներին խորհրդատվություն կտրամադրեն օրենսդրական շրջանակի և վարչարարության, օրենսդրական ակտերի և դրանց կիրակման վերաբերյալ, կներկայացնեն ԵՄ օրենսդրությունը և դրա կիրառման լավագույն փորձը և այլն:
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից


Կարդացել են 176 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար