Վարչապետը շնորհավորական ուղերձ է հղել Բուլղարիայի վարչապետին

03-03-2021 13:33:20   | Հայաստան  |  Մամլո հաղորդագրություն



 
Վարչապետ Նիկոլ Փաշինյանը շնորհավորական ուղերձ է հղել Բուլղարիայի
վարչապետ Բոյկո Բորիսովին՝ ազգային տոնի առթիվ:
 
Ուղերձում նշված է.
 
«Ձերդ Գերազանցություն,
 
Հայաստանի Հանրապետության կառավարության և անձամբ իմ անունից ջերմ շնորհավորանքներ և լավագույն մաղթանքներ եմ հղում Ձեզ և Բուլղարիայի կառավարությանը ազգային տոնի` Ազատագրման օրվա կապակցությամբ, մաղթելով Ձեր երկրին առաջընթաց և բարգավաճում:
 
Հայ-բուլղարական դարավոր կապերը բարեկամության բազմաթիվ դրսևորումներ են ունեցել, որոնց հիմքում ընկած են պատմամշակութային առնչությունները, ընդհանուր հոգևոր արժեքներն ու փոխադարձ համակրանքը: Հենց այս հենքի վրա կառուցեցինք մեր միջպետական հարաբերությունները, որոնք նոր որակ ստացան վերջին տարիներին:
 
Վստահ եմ, որ երկու կառավարությունների միջև հաստատված երկկողմ և բազմակողմ համագործակցությունն ավելի կզարգանա ու կամրապնդվի, և համատեղ ջանքերով մենք կկարողանանք զգալի առաջընթաց արձանագրել՝ ի շահ մեր բարեկամ ժողովուրդների»:
 
 
 
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից


Կարդացել են 108 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար