Դեսպան Մինասյանը հանդիպել է ԵԽԽՎ-ում Ռումինիայի խորհրդարանի պատվիրակության նախագահի հետ

04-03-2021 10:40:34   | Ռումինիա  |  Մամլո հաղորդագրություն



 
Մարտի 3-ին Ռումինիայում ՀՀ դեսպան Սերգեյ Մինասյանը հանդիպել է ԵԽԽՎ-ում Ռումինիայի խորհրդարանի պատվիրակության նախագահ Յոնուց Մարիան Ստրոեի հետ:
 
Շնորհավորելով պարոն Ստրոեին պաշտոնում վերընտրվելու կապակցությամբ՝ դեսպան Մինասյանը հույս է հայտնել, որ խորհրդարանական մակարդակով հայ-ռումինական համագործակցությունը նոր արդյունքներ կգրանցի ինչպես երկկողմ, այնպես էլ
բազմակողմ հարթակներում:
 
Հանդիպման ընթացքում կողմերը քննարկել են ԵԽ տարածքում տեղի ունեցող զարգացումները՝ այդ թվում նաև Լեռնային Ղարաբաղի շուրջ ստեղծված իրավիճակը: Դեսպան Մինասյանն անդրադարձել է թուրք-ադրբեջանական ագրեսիայի հետևանքով ստեղծված իրավիճակին և դրա արդյունքում առաջացած հումանիտար ճգնաժամին՝ ներառյալ Ադրբեջանում պահվող հայ ռազմագերիների ու քաղաքացիական անձանց վերադարձի, հայկական կրոնական ու մշակութային ժառանգության պահպանման անհրաժեշտությանը:
 
Զրուցակիցները երկուստեք ընդգծել են, որ հայ-ռումինական բազմաշերտ հարաբերությունների համար կարևոր լրացուցիչ խթան է հանդիսանալու ս.թ. մարտի 1-ին ուժի մեջ մտած ՀՀ-ԵՄ միջև Համապարփակ և ընդլայնված գործընկերության համաձայնագիրը:
 
Կարևորվել է նաև ռումինահայ համայնքի արժեքավոր դերակատարությունը երկու բարեկամ երկրների միջև հարաբերությունների հետագա զարգացման գործում:
 
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից


Կարդացել են 110 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար