Ռուս խաղաղապահները շարունակում են Արցախի տարածքի ականազերծման աշխատանքները
04-03-2021 12:47:06 | Ռուսաստան | Ի՞նչ է գրում մամուլը
Ռուսաստանի խաղաղապահ զորակազմի ինժեներական ստորաբաժանման անձնակազմը շարունակում է Արցախի տարածքում հայտնաբերված պայթյունավտանգ առարկաների ոչնչացման աշխատանքը: Այս մասին տեղեկացնում են ՌԴ ՊՆ կայքից:
Օրվա ընթացքում ռուս զինծառայողներն Այգեստանի հատուկ զինավարժարանում ոչնչացրել են 128 պայթյունավտանգ առարկա, այդ թվում՝ ականներ և տարբեր տրամաչափի հրետանային արկեր: Ոչնչացումն իրականացվում է պայթեցման մեթոդով՝ ապահովելով անվտանգության բոլոր անհրաժեշտ միջոցառումները:
Ամեն օր պայթյունավտանգ առարկաների ոչնչացման աշխատանքներին ներգրավվում է ռուսական խաղաղապահ զորախմբի մոտ 10 զինծառայող:
ՀԱՅԵՐԵՆ
Русский
English
Դաս. հայերեն
French
