ՏՄՊՊՀ-ն հրավիրում է մասնակցել մի շարք ենթաօրենսդրական նորմատիվ իրավական ակտերի մշակմանը

04-03-2021 14:25:01   | Հայաստան  |  Մամլո հաղորդագրություն



Ազգային ժողովի կողմից նախօրեին երկրորդ ընթերցմամբ ընդունվել է «Տնտեսական մրցակցության պաշտպանության մասին» փոփոխություն կատարելու մասին» օրենքի և հարակից օրենքների նախագծերի փաթեթը։ 
 
Օրենքների փաթեթն ուժի մեջ կմտնի պաշտոնական հրապարակման օրվանից երկու ամիս անց, որից հետո նախատեսվում է մի շարք ենթաօրենսդրական նորմատիվ իրավական ակտերի մշակում։ Դրանց թվում են․ 
 
1. Տնտեսվարող սուբյեկտի մենաշնորհ կամ
գերիշխող դիրքի որոշման մեթոդաբանությունը և կարգը,
 
2. Ապրանքային շուկաների որոշման կարգը,
 
3. Հայտարարագրման ենթակա համակենտրոնացումների մասնակիցների ակտիվների և հասույթների չափերը,
համակենտրոնացման հայտարարագրման կարգը և հայտարարագրի ձևը, 
 
4. Պատասխանատվության միջոցի ընտրության և տուգանքի հաշվարկման մեթոդաբանությունը, 
 
5. Հանձնաժողովի կողմից հարուցված վարույթի շրջանակներում ապրանքների և ծառայությունների անհատականացման միջոցների շփոթության աստիճանի նմանության որոշման կարգը, 
 
6. Չհիմնավորված բարձր գնի և չհիմնավորված ցածր գնի որոշման կարգը,
 
7. Պետական օժանդակության գնահատման կարգը։
 
Հրավիրում ենք շահագրգիռ անձանց և կազմակերպություններին, այդ թվում՝ տնտեսվարող սուբյեկտներին մասնակցելու վերոնշյալ ենթաօրենսդրական նորմատիվ ակտերի մշակմանը։  
 
Աշխատանքներին մասնակցելու ցանկության դեպքում կարող եք մինչև օրենքների փաթեթի ուժի մեջ մտնելը դիմել Հանձնաժողով` [email protected] էլեկտրոնային փոստի հասցեով ներկայացնելով հետադարձ կապի տվյալները, ինչպես նաև այն ակտի 
անվանումը, որի մշակման աշխատանքներին մասնակցության նպատակով ներկայացվում է դիմումը:
 
ՀՀ տնտեսական մրցակցության պաշտպանության 
պետական հանձնաժողով
 
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից


Կարդացել են 125 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար