Հայոց բանակը մեր ներկա ու ապագա լինելիության կռվանն է. հայտարարություն

04-03-2021 17:30:57   | Հայաստան  |  Մամլո հաղորդագրություն



Հայաստանի եւ Հայ ժողովրդի դիմագրաված գոյաբանական սպառնալիքների եւ մարտահրավերների ճակատագրական այս շրջափուլում, ժամանակն է, որ մենք ազգովին վերջապես գիտակցենք, որ Հայոց Բանակը՝ ոչ միայն մեր պաշտպանության, անվտանգ
ության, տարածքային ամբողջականության եւ սահմանների անձեռնմխելիության երաշխավորն է, այլեւ մեր լինելիության, հարատեւման եւ զարգացման անփոխարինելի գրավականը:
 
Միայն հզոր եւ ամուր զինյալ ուժերի առկայությամբ՝ մենք կկարողանանք ապահովել մեր պետության անվտանգ կենսագործումը, տնտեսության կայուն զարգացումը, հասարակության համընդհանուր բարօրությունը եւ ամենաէականը՝ ժողովրդավարության խոր արմատավորումը: Առանց գերհզոր զինյալ ուժերի՝ ո՛չ պետական հեղինակություն, ո՛չ միջազգային կշիռ, ո՛չ կենսունակ տնտեսություն, ո՛չ էլ ժողովրդավարություն չի կարող գոյություն ունենալ, որովհետեւ պարզապես երկիր՝ չի լինում։
 
Եթե սահմանադրության պահանջն է, որ Հայաստանի զինված ուժերը անվերապահ չեզոքություն պահպանեն ներքաղաքական գործընթացների վերաբերյալ, ապա համազոր հրամայական է նաեւ, որ քաղաքականությունը չներխուժի զինված ուժերի ոլորտ, այն չներքաշի քաղաքական գործընթացների մեջ, եւ ամենակարեւորը՝ այն չդարձնի քավության նոխազ՝ իր սխալները եւ թերացումները քողարկելու կամ արդարացնելու համար: Հայոց Բանակը պետք է վեր լինի ամեն կարգի այսրոպեական ճղճիմ նկատառումներից, ընթացիկ քաղաքական նպատակներ հետապնդող շահարկումներից եւ հատկապես պաշտպանված լինի իր դեմ նյութվող բազմաբնույթ եւ բազմապիսի խարդավանքներից: Հայոց Բանակը մեր ներկա ու ապագա լինելիության կռվանն է:
 
2 Մարտ 2021 ՀԱՅԿԱԿԱՆ ԺՈՂՈՎՐԴԱՅԻՆ ՇԱՐԺՈՒՄ Կենտրոնական Խորհուրդ (վերակազմյալ)
 
 
 
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից


Կարդացել են 218 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար