Արման Թաթոյանը ներկա պայմաններում Ադրբեջանի հետ խաղաղ գոյակցություն չի պատկերացնում

05-03-2021 14:54:26   | Հայաստան  |  Ի՞նչ է գրում մամուլը



Մարդու իրավունքների պաշտպան Արման Թաթոյանը ներկա պայմաններում հնարավոր չի համարում Ադրբեջանի հետ
խաղաղ գոյակցությունը` նշելով, որ մինչև հայատյացությունը, սահմանային հարցերը, գերիների վերադարձի հետ կապված խնդիրները լուծում չստանան, այն իրատեսական չէ։
 
Ինչպես տեղեկացնում է «Արմենպրես»-ը, մարտի 5-ին հրավիրված ասուլիսի ժամանակ Արման Թաթոյանը նշեց, որ որպես Մարդու իրավունքների պաշտպան ինքը համաձայն է  Ադրբեջանի հետ խաղաղ գոյակցությանը, բայց այս պայմաններում չի պատկերացնում նման բան։
 
«Իհարկե, պետք է խաղաղ ապրեն ազգերը, ժողովուրդները։ Մենք՝ հայերս, նույնպես տարբեր ազգերի ներկայացուցիչների հետ ապրում ենք մեր երկրում, ամբողջ աշխարհում ենք մենք այդպես՝ հակված են այլ ազգի ներկայացուցիչների հետ ապրելու, բայց այս պայմաններում պատկերացնու՞մ եք խաղաղ գոյակցություն, ավելացրեք ընթացքում հոգեկան տառապանքները, որ Ադրբեջանը մտադրված պատճառում է, օրինակ՝ գերիների վերադարձի հարցը արհեստականորեն ձգձգելով։ Իրենք չգիտե՞ն, որ մեր ընտանիքներին պատճառում են հոգեկան տառապանքներ, դա խոշտանգման ձև է, խաղում են հայ հասարակության էմոցիաների հետ։ Այդ հարցը տեսեք ինչքան է ազդում մեր երկրի վրա՝ լարվածություն առաջացնելով»,- ասաց ՄԻՊ-ը։
 
Արման Թաթոյանի կարծիքով՝ այդ հարցերը պետք է լուծում ստանան, որովհետև առանց դրա միակողմանի խաղաղ գոյակցություն չի լինում՝ անընդհատ պատերազմի սպառնալիքի ներքո և արժանապատվությունը նվաստացնող հայտարարություններ լսելով։
 
 
Նոյյան տապան   -   Ի՞նչ է գրում մամուլը
Լուրեր Հայաստանից եւ Սփյուռքից


Կարդացել են 137 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար