Ռուս խաղաղապահները արցախցի կանանց շնորհավորել են գալիք Կանանց միջազգային օրվա առթիվ
06-03-2021 10:55:39 | Ռուսաստան | Ի՞նչ է գրում մամուլը
ՌԴ ՊՆ կայքից տեղեկանում ենք, որ Ռուսական խաղաղապահ զորակազմը շարունակում է առաջադրանքների կատարումը Արցախի տարածքում:
Լաչինի միջանցքով քաղաքացիական ավտոտրանսպորտի տեղաշարժի անվտանգությունն ապահովելու առաջադրանքները կատարելիս ռուս զինծառայողները դիտակետերում ծաղիկներ են նվիրել Արցախի բնակչուհիներին, ինչպես նաև շնորհավորել նրանց գալիք Կանանց միջազգային օրվա առթիվ:
27 դիտակետում ռուս խաղաղապահները իրականացնում են հրադադարի ռեժիմի պահպանման վերահսկողության և իրավիճակի շուրջօրյա մշտադիտարկում: Հրադադարը պահպանվում է շփման գծի ողջ երկայնքով:
Ռուս խաղաղապահներն ապահովում են քաղաքացիների՝ իրենց մշտական բնակության վայրեր վերադարձի, քաղաքացիական ավտոտրանսպորտի տեղաշարժի, Լաչինի միջանցքով սննդամթերքի և տարբեր ապրանքների տեղափոխման անվտանգությունը: