Աշոցքի և Ախուրյանի ճանապարհներին գետնաբուք է, տեղում աշխատում է 14 միավոր տեխնիկա
08-03-2021 09:45:21 | Հայաստան | Հասարակություն
Մարտի 8-ի ժամը 9.30-ի դրությամբ Շիրակի մարզի Աշոցքի տարածաշրջանի ավտոճանապարհներին տեղում է թույլ ձյուն։ Աշոցքի (Ցողամարգ-Վարդաղբյուր) և Ախուրյանի (Ջաջուռի լեռնանցք) ճանապարհների որոշ հատվածներում գետնաբուք է։
ՀՀ միջպետական, հանրապետական, մարզային նշանակության բոլոր ավտոճանապարհները բաց են: Աշոցքի, Ամասիայի, Անի, Ախուրյանի և Արթիկի տարածաշրջանների ճանապարհների որոշ հատվածներում առկա է նաև մերկասառույց։
Ճանապարհներն սպասարկող ընկերություների կողմից կատարվում են ճանապարհների երթևեկելի հատվածների ձյան մաքրման և աղ ավազով մշակման աշխատանքներ։ Այս պահին մարզի ճանապարհներին աշխատում է 14 միավոր տեխնիկա։ Վարորդներին հորդորում ենք երթևեկել միայն ձմեռային անվադողերով։
ՀԱՅԵՐԵՆ
Русский
English
Դաս. հայերեն
French
