Այսօր մեր մայրերի, կանանց ու քույրերի կորստի ցավն ամոքելը բոլորիս պարտքն է. Ավանեսյան
08-03-2021 14:24:14 | Հայաստան | Մամլո հաղորդագրություն
ՀՀ առողջապահության նախարար Անահիտ Ավանեսյանը շնորհավորական ուղերձ է հղել Կանանց միջազգային օրվա առիթով.
«Սիրելի կանայք և աղջիկներ,
Շնորհավորում եմ Ձեզ այս հրաշալի գարնանային տոնի՝ կանանց իրավունքների պաշտպանության միջազգային օրվա առթիվ, ցանկանում եմ Ձեզ առողջություն, երջանկություն և հաջողություններ։
Այս ծանր ժամանակահատվածում հայ կանայք մեկ անգամ ևս ապացուցեցին, որ իրենք հասարակության ոչ միայն գեղեցիկ կեսն են, այլև հիմքն ու ոգեշնչող շարժիչ ուժը՝ ամուր ու զուսպ առաջնագծում և թիկունքում, պատրաստ կրելու բոլոր դժվարությունները մեր փառապանծ այրերի հետ հավասար:
Այսօր մեր մայրերի, կանանց ու քույրերի կորստի ցավն ամոքելը բոլորիս պարտքն է։ Ուժ և համբերություն նրանց, երբեք չմոռանանք ու միշտ պահենք սիրո և հոգածության կենտրոնում։
Դիմելով առողջապահության ոլորտի կանանց՝ ուզում եմ մեկ անգամ ևս նշել, որ հպարտանում եմ Ձեզնով, Ձեր կարողություններով, մասնագիտական հմտություններով ու նվիրվածությամբ, ամենածանր պայմաներում գեղեցիկ կին և մարդ մնալու Ձեր արվեստով։
Մաղթում եմ բոլոր հայ կանանց լինել պաշտպանված, ունենալ հավասար հնարավություններ՝ ապրելու, կրթվելու, զարգանալու, ինքնադրսևորվելու, և արժանվույնս գնահատվել»։
ՀԱՅԵՐԵՆ
Русский
English
Դաս. հայերեն
French
