Դավիթաշենի բաժանմունքի ոստիկանները թմրանյութ են հայտնաբերել
17-03-2021 09:40:27 | Հայաստան | Իրավունք
Մարտի 13-ին, ժամը 22:00-ի սահմաններում, ոստիկանության Դավիթաշենի բաժանմունքի քրեական հետախույզները Դավիթաշենի 1-ին թաղամասից, ապօրինի թմրամիջոց պահելու և օգտագործելու կասկածանքով, բերման են ենթարկել Պռոշյան գյուղի 47-ամյա մի բնակչի։
Նրա անձնական խուզարկությամբ հայտնաբերվել է դեղնականաչավուն, յուրահատուկ հոտով բուսական զանգված: Կասկածվողը ևս մեկ փաթեթ նմանատիպ բուսական զանգված ոստիկաններին է ներկայացրել «Միցուբիշի» մակնիշի իր մեքենայից։
Ըստ բերման ենթարկվածի` հայտնաբերվածը մարիխուանա է, ձեռք է բերել իր օգտագործման համար:
Նշանակվել են դատաքիմիական և տոքսիկաքիմիական փորձաքննություններ: Հանգամանքները պարզվում են: Փաստի առթիվ նախապատրաստվում են նյութեր:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
ՀԱՅԵՐԵՆ
Русский
English
Դաս. հայերեն
French
