Հունահռոմեական ոճի ըմբիշները սկսում են պայքարը օլիմպիական վարկանիշային մրցաշարում

20-03-2021 12:00:41 | Հայաստան | Սպորտ

Հայաստանի հունահռոմեական ոճի ըմբշամարտի հավաքականի անդամները սկսում են պայքարը Օլիմպիական խաղերի վարկանիշային մրցաշարում:

60 կգ քաշային Գևորգ Ղարիբյանը կսկսի պայքարը1/8 եզրափակչից և կմրցի Արդիթ Ֆազլջիջա (Շվեդիա) – Դավիթ Էրսետիչ (Լեհաստան) զույգի հաղթողի հետ:

67 կգ քաշային Սլավիկ Գալստյանը որակավորման փուլում կմրցի Բելառուսից Ալեքսանդր Լիավոնչուկի հետ:

87 կգ քաշային Արթուր Շահինյանը 1/8 եզրափակիչում կփորձի հաղթել խորվաթ Իվան Հուկլեկին:

Եվ 130 կգ քաշային Դավիթ Օվասապյանի հակառակորդը 1/8 եզրափակիչում Ֆինլանդիան ներկայացնող Յոհանես Մաենպաեաեն է:

Հունգարիայի մայրաքաղաքում ընթացող մրցաշարը վարկանիշային է Տոկիոյի 32-րդ ամառային Օլիմպիական խաղերի ուղեգիր: Քվոտան ստանում են այն մարզիկները, որոնք հասնում են եզրափակիչ:

Հունահռոմեական ոճում Հայաստանն արդեն իսկ ունի երկու ուղեգիր` Արթուր Ալեքսանյանը և Կարապետ Չալյանը:

Նախօրեին օլիմպիական ուղեգիր նվաճեցին ազատ ոճային ըմբիշներ Արսեն Հարությունյանը և Վազգեն Թևանյանը:

Նոյյան տապան - Սպորտ

Կարդացել են 518 անգամ

https://s1.merlive.am/Noian_Tapan/embed.html?autoplay=false&play

Հունահռոմեական ոճի ըմբիշները սկսում են պայքարը օլիմպիական վարկանիշային մրցաշարում

Noyan Tapan TV